Athro Mathemateg

Hysbyseb Athro Mathemateg Hydref 2026 Swydd: Athro Mathemateg Pwynt/ Graddfa Cyflog: M2 - UPS3 Cytundeb: Parhaol Oriau: Llawn amser Hysbyseb: Hydref 5ed 2026 Dyddiad Cau: Hydref 16eg 2026 (9yb) Swydd i ddechrau: Ionawr 2027 Dewch i ymweld Cysylltwch â Emily Denham os hoffech fwy o wybodaeth neu sgwrs gyda’r Pennaeth drwy ffonio'r ysgol  neu ebostio - gweler manylion ymgeisio am gyfeiriad e-bost. Mae'r Llywodraethwyr am benodi unigolyn cymwys a thalentog i ymuno â staff Ysgol Gymraeg Bro Morgannwg. Mae Ysgol Gymraeg Bro Morgannwg yn ysgol bob oed wedi ei lleoli yn nhref y Barri ac yn gwasanaethu Sir Bro Morgannwg.  Cyflawnwyd gwaith adeiladu ac adnewyddu sylweddol yn 2021 ac o ganlyniad mae’r cyfleusterau sydd ar gael i addysgu plant a phobl ifanc Y Fro drwy gyfrwng y Gymraeg yn fodern ac yn addas er mwyn eu paratoi i lwyddo yn y dyfodol. Edrychwn am athro rhagorol, sydd yn dangos angerdd tuag at y pwnc a chyrhaeddiad ein disgyblion. Arwyddair yr ysgol yw ‘Dyro dy law i mi ac fe awn i ben y mynydd’. Ein bwriad yw i adeiladu yn bellach ar lwyddiannau yr ysgol hyd yma ac i sicrhau fod pawb sy’n dysgu ac yn gweithio yn Ysgol Gymraeg Bro Morgannwg yn derbyn y cyfleoedd gorau i gyrraedd pen eu mynydd personol. Mae’r adran Fathemateg yn un lwyddiannus sy’n ymfalchïo yn ei chanlyniadau TGAU a Safon Uwch ardderchog. Mae gan yr adran ddisgwyliadau uchel o’r disgyblion ac yn herio pob unigolyn i lwyddo yn y pwnc. Cynigir Mathemateg a Mathemateg Bellach yn y chweched dosbarth. Mae’r ddau bwnc yn hynod boblogaidd fel opsiwn ac yn denu niferoedd uchel i’r cyrsiau Safon Uwch. Mae 42 disgybl ym Mlwyddyn 12 yn astudio Mathemateg a 12 yn astudio Mathemateg Bellach eleni ac mae niferoedd tebyg o Flwydyn 11 wedi dewis y pynciau i’w hastudio yn ystod y flwyddyn nesaf. Rydym hefyd wedi ymestyn ein darpariaeth yn ddiweddar i gynnig Peirianneg ar y cyd gyda’r adran Wyddoniaeth. Mae wyth athro yn yr adran ac mae phawb yn gyfeillgar a chefnogol iawn o’i gilydd. Mae’r adran yn brofiadol, ymroddgar ac ymrwymedig ac mae’r gwersi yn cael eu cynllunio i annog chwilfrydedd a diddordeb yn y pwnc, gyda bwrdd gwyn rhyngweithiol ym mhob ystafell. Mae pob aelod o’r adran yn rhannu eu hadnoddau dysgu er mwyn datblygu arbenigedd pynciol, cynnal safonau uchel a sicrhau’r profiadau dysgu gorau i’r disgyblion. Mae hyn yn gyfle cyffrous i ymuno ag adran uchelgeisiol sydd eisiau cynnig pob cyfle i’r disgyblion wneud o’u gorau. Os hoffech fwy o fanylion neu sgwrs bellach ynglyn â’r cyfle euraidd yma, cysylltwch â Emily Denham yn y man cyntaf drwy ffonio'r ysgol neu ebostio - gweler manylion ymgeisio ar gyfer cyfeiriad e-bost. Datganiad Diogelu Mae Ysgol Gymraeg Bro Morgannwg wedi ymrwymo i ddiogelu a hyrwyddo lles plant, pobl ifanc ac oedolion agored i niwed ac mae disgwyl i'r holl staff a gwirfoddolwyr rannu'r ymrwymiad hwn. Rydym yn croesawu'n arbennig geisiadau gan grwpiau heb gynrychiolaeth ddigonol gan gynnwys ethnigrwydd, rhyw, trawsryweddol, oedran, anabledd, cyfeiriadedd rhywiol neu grefydd. Rhys Angell Jones Hydref 2026